Former Nigerian Vice President, Atiku Abubakar, don officially register as member of the African Democratic Congress (ADC) for him home state, Adamawa. Dis one na big political movement wey fit shake opposition structure as Nigeria dey prepare for 2027 general elections.
Di registration happen on Monday, just few days after Atiku don tell ADC people for Adamawa say him go fully enter the party. Many supporters don dey expect dis step since he announce earlier in the year say opposition parties need strong coalition if dem wan fit challenge the ruling party come 2027.
One of Atiku aide, Abdul Rasheeth, confirm di matter for statement wey circulate online on Monday morning. E talk say everything don set: “Yes, oga don register. E no be rumour again.”
Supporters Welcome Am With Drums, Songs and Plenty Shouts
Videos and pictures wey trend online show how Atiku convoy enter town, supporters line road, beat drums, dance cultural steps and wave placards with him face. Security people sef no fit stop the excitement as crowd dey push to snap picture with am.
As Atiku siddon for inside him vehicle, he wave supporters, dey smile and dey hail people wey follow am come. Later, he come down accept him ADC membership card from party officials. Supporters shout “Game don start!” as dem see the moment.
After the registration, Atiku drop small message for him X (formerly Twitter) handle. E write:
“E don officially happen. –AA”
Why Dis Move Big?
Atiku don dey show body towards ADC since July when he talk say opposition people need one strong platform. Na that time he mention say people like Peter Obi, Babachir Lawal and other opposition leaders need come together if dem wan make serious impact for 2027.
But even though he don dey attend some of their meetings, him never officially carry ADC card — until now.
With this registration, many political watchers dey talk say ADC don automatically jump from small party to heavy-weight contender. Atiku supporters dey believe say di move go scatter some political calculations ahead of 2027.
But Wahala Don Start Small
As usual for Nigerian politics, e no even reach hours before one ADC faction come out talk say dem no recognize Atiku registration. Dem claim say proper process no follow. Political analysts dey laugh say na normal opposition drama wey go soon settle.
What This Fit Mean for 2027?
Atiku entry don change the political conversation. Before now, people dey ask:
• “Atiku go contest again?”
• “Which party he go use?”
• “Opposition fit unite?”
With this registration, the answer don dey clearer. Opposition now get one person wey get structure for all the 36 states, money, political experience and nationwide name recognition.
If ADC fit merge or collaborate with other strong opposition figures, 2027 go hot.
For now sha, Atiku don lock him position inside ADC and supporters dey celebrate say “Baba don return to field.”
0 Comments