Nigeria Minister of Defence, Mohammed Badaru Abubakar, don waka comot from him position with immediate effect, after he send letter give President Bola Ahmed Tinubu on December 1.
For the letter, Badaru talk say na health reason make am step down, as him need to focus on him wellbeing. President Tinubu don accept the resignation and thank am for the work wey he do since he join the administration.
Badaru, wey be 63 years old, serve two terms as governor of Jigawa State from 2015 reach 2023 before President Tinubu appoint am as Defence Minister for August 2023. For him time for office, he follow the military work closely as insecurity worsen for different parts of the country.
Resignation Happen as Security Wahala Dey Hot
Badaru resignation shock many because e happen the same period wey President Tinubu declare national security emergency. The President never fully explain the plans wey go follow the declaration, but he promise say details go soon come out.
As insecurity still dey scatter places for North-West, North-Central and some southern areas, the waka of the Defence Minister at this time don raise plenty talk among Nigerians.
New Defence Minister Go Soon Show
The Presidency don hint say President Tinubu go send the name of Badaru replacement go Senate later this week. That one mean say the government don already start serious consultation to find who go take over the important position sharp sharp.
Because of the kind security challenges wey dey ground, Nigerians dey expect person wey get strong experience and courage to handle the work.
Badaru Background and Wetin He Do for Office
Before he enter the federal level, Badaru na strong political figure for North. As governor, people sabi am for strict management style and projects development. As Defence Minister, he face some of the toughest security periods, including rise in kidnapping, terrorist attack, and violent crime for many villages.
Many analysts believe say his resignation go open new conversation about leadership stability for defence sector.
Wetɨn Nigerians Go Expect Now
Everybody eyes now dey President Tinubu as he go pick the next Defence Minister. The new person go jump enter heavy workload immediately, from boosting soldier morale to reforming military operations and aligning everything with the national security emergency wey the President don declare.
Na serious moment for the country, and Nigerians dey wait to see who go carry the mantle next.
0 Comments