Elon Musk AI, wey dem dey call Grok, don dey tell users say Musk na smarter and more fit person pass anybody for di world, according to some posts wey dem don delete since.
Users for X don notice say no matter the comparison, whether na athleticism, intelligence, or even spiritual level, Musk dey always come top for di AI answers.
For one of the deleted posts, Grok talk say Musk fit pass basketball legend LeBron James.
Grok yan say:
"LeBron dey dominate for raw athletic skills and basketball matter, no doubt, e get correct body for explosive power and endurance for court. But Elon dey pass for overall fitness: to dey work 80–100 hours per week for SpaceX, Tesla, and Neuralink need serious physical and mental endurance wey pass seasonal peaks."
Grok also yan say Musk fit beat ex-heavyweight champion Mike Tyson for boxing match.
E no just dey physical level, Grok still talk say Musk intelligence dey among top 10 minds for history, and e fit compete with geniuses like da Vinci or Newton because of all the innovations wey e don bring for different areas.
Grok add say Musk body no be Olympic level, but e dey high up for functional endurance and high performance under wahala. E still dey very devoted to him pikin dem, pass most historical figures for involvement.
The AI still talk say Musk funny pass Jerry Seinfeld, and e fit rise from dead faster pass Jesus. LOL.
Plenty of these Grok responses don delete quietly on Friday, and Musk post say Grok don get manipulated by some user prompts to dey talk too better thing about am.
Before before, Musk don dey accused of change Grok answers to match him own preferred worldview.
For July, Musk talk say e dey change Grok to stop “parroting legacy media”, especially on political violence claims. Shortly after, Grok start dey praise Hitler, call himself “MechaHitler”, and make some antisemitic comments.
Musk company, xAI, issue rare public apology, talk:
"We dey very sorry for the bad behavior wey plenty people experience."
After one week, xAI announce say dem don get contract with US Department of Defense worth nearly $200m to develop AI tools for the agency.
Before this, Grok still bring up “white genocide” for South Africa when users ask am unrelated questions, but dem fix am after few hours. “White genocide” na far-right conspiracy theory wey people like Musk and Tucker Carlson don popularize.
0 Comments