Governor Hyacinth Alia of Benue State don talk say he never deny the killings wey dey happen for the state but e insist say the attacks no get anything to do with religion.
Gov Alia talk this one for Makurdi after im closed-door meeting with Nobel Laureate Prof. Wole Soyinka.
According to am, people don twist and remove im words from context, especially when e talk about the meaning of genocide. E say make people dey understand the word based on the United Nations definition, no be just to use am anyhow.
The governor explain say when he talk say the attackers dey “execute their plans religiously” na idiomatic expression, like person wey say something dey done “judiciously” meaning consistently no be say e get religious meaning.
He say the wrong interpretation cause confusion wey no suppose happen.
Gov Alia talk say:
I no ever deny say my people dey killed. The truth be say na fully-organized bandits and terrorists dey come destroy, maim and kill. I don always talk am clearly say na land-grabbing dem dey do. E no start as religious matter.
He talk say the crisis start as farmer-herder wahala before e turn to full banditry and terrorism.
The governor also add say people from different religions don suffer, so to call the killings religious attack dey misleading and dangerous.
He warn journalists make dem no dey politicize the pain of the people. E talk say “Journalists no be weapon of mass destruction. Una be people wey dey help build society. If something no clear one phone call fit settle am.”
Gov Alia say every life wey Benue lose dey pain am deeply and e beg people make dem no trivialize the suffering of displaced families.
He remind the public say Benue get plenty IDPs wey armed attackers chase from their homes.
E add say:
The matter get many sides. No reduce am to religion. Muslims and Christians don die. Benue get many Christians naturally but make we no turn people pain to politics.
On development, the governor announce say government don award major road projects for Makurdi and full construction go start next week.
He also thank Prof Soyinka for visiting and showing concern for the state.
If you enjoy this kind content, check similar stories wey dey below to keep yourself updated.
0 Comments